Veg Menu

ಫ್ರಿಜ್ ಕೇಕ್

ಸಾಮಗ್ರಿಗಳು:
ಬಿಸ್ಕೆಟ್ ಗಳು
ಬೆಣ್ಣೆ ..... ಆರು ದೊಡ್ಡ ಚಮಚ
ಸಕ್ಕರೆ.... ಒಂದು ಕಪ್
ವೆನಿಲ್ಲಾ ಎಸೆನ್ಸ್ .. ಎರಡು ಬಿಂದು
ಹಾಲು ....ನಾಲ್ಕು ಚಮಚ
ಒಣ ದ್ರಾಕ್ಷೆ, ಗೋಡಂಬಿ ಸ್ವಲ್ಪ
ಜಾಮ್ ಸ್ವಲ್ಪ
ವಿಧಾನ:
ಸಕ್ಕರೆಯನ್ನು ಮಿಕ್ಸಿಗೆ ಹಾಕಿ ನುಣ್ಣಗೆ ಪುಡಿ ಮಾಡಿ. ನಂತರ ಅದಕ್ಕೆ ಬೆಣ್ಣೆ,ಹಾಲು, ವೆನಿಲ್ಲಾ ಎಸೆನ್ಸ್ ಸೇರಿಸಿ ಪುನಃ ತಿರುಗಿಸಿ. ಒಂದು ಬೆಣ್ಣೆ ಸವರಿದ ತಟ್ಟೆಗೆ ಈ ಮಿಶ್ರಣದ ಸ್ವಲ್ಪ ಭಾಗವನ್ನು ಹರಡಿ. ನಂತರ ಬಿಸ್ಕೆಟ್ ಗಳನ್ನು ಅದರ ಮೇಲೆ ಸಾಲಾಗಿ ಜೋಡಿಸಿ. ಪುನಃ ಮಿಶ್ರಣವನ್ನು ಅದರ ಮೇಲೆ ಹರಡಿ.ಈ ರೀತಿ ಇನ್ನೊಂದು ಬಾರಿ ಪುನರಾವರ್ತಿಸಿ.ಅದರ ಮೇಲೆ ಜಾಮ್, ದ್ರಾಕ್ಷೆ ಮತ್ತು ಗೋಡಂಬಿಯನ್ನು ನಿಮ್ಮಿಚ್ಹೆಯಂತೆ ಅಲಂಕರಿಸಿ. ಅರ್ಧ ತಾಸು ಫ್ರೀಜರ್ ನಲ್ಲಿಡಿ. ನಂತರ ಬೇಕಾದ ಆಕಾರದಲ್ಲಿ ಕತ್ತರಿಸಿ. ರುಚಿಕರ ಫ್ರಿಜ್ ಕೇಕ್ ಸಿದ್ಧ.